頹miss的話👩🏻🏫：好多人一聽到考試作文就會覺得好難，其實作文卷頭三條，隨時都容易過閱讀卷最尾嗰10條㗎😆所以不如就俾啲概念大家喇！
———–📝關於Q51 + 備試技巧——–
❇️題型：實用文-（用5-6句組成的個人書信，招募廣告等等有固定對象的實用型文章）
❇️曾出題目：邀請老師作客（電郵）、學會招募新會員（公告）
❇️作答類型：填充題（5分1格* 2格=10分）
❇️可用時間：5/50分鐘
❇️評分準則：1.通順程度，2.語氣， 3.用詞級數（3-6級）
❇️答題技巧：一般都係用格式體（ㅂ/습니다)，盡量用返文中出現過嘅詞語去答就得！
🖍️常犯錯誤：答得過於簡短，無留意角色同對象嘅關係而用錯語氣，明明中文諗到點講，但係轉返做韓文嘅時候就省略咗好多字係一般同學仔常犯嘅錯誤😌
———-📝 關於Q52 + 備試技巧———-
❇️題型：說明文-（沒有固定對象的文章）
❇️曾出題目：關於最佳洗頭的時間，星星與地球的距離，幸福的人的習慣
❇️作答類型：填充題（5分1格* 2格=10分）
❇️可用時間：5/50分鐘
❇️評分準則：1.通順程度，2.語氣， 3.用詞級數（3-6級）
❇️答題技巧：一般都係用書寫體（ㄴ다/는다/다)盡量用返文中出現過嘅詞語去答就得，呢題反而唔會係一啲好長嘅句子，但係要精而簡，最重要係留意番佢前後嘅連接詞，會非常之影響你要寫嘅答案嘅內容。
🖍️常犯錯誤：都係用錯語氣同埋字眼，或者忽略咗前後連接詞嘅意義，完全寫錯咗佢想你寫嘅意思
👩🏻🏫頹miss的話：總括嚟講51&52題，其實唔係好在意大家識幾多生字，通常用返文章入邊嘅生字都已經回答啱，反而比較在意大家識唔識得用一個正確嘅語氣去講唔同類型嘅文章，所以文法知識係比較重要👍🏻
————📝關於Q53 + 備試技巧————
❇️題型：資料整理題（說明文）
❇️3大種類&曾出題目：
1️⃣大眾調查結果整理，例如：各年齡層對公共設施的需求之調查結果
2️⃣社會現況及原因整理，例如：一人家庭的增加情況及原因
3️⃣類別分類整理，例如：大眾媒體的種類及特徵
❇️作答類型：200-300字內之說明文（30分）
❇️可用時間：10-15/50分鐘
❇️評分準則：1.將資料變成文章的完整程度，2.語氣， 3.用詞級數（3-6級）
❇️答題技巧：用書寫體（ㄴ다/는다/다)，通常會俾一啲圖表你，作答嘅時候用返佢圖片入邊嘅文字就已經OK，但係基本上所有資料都一定要寫晒落去，通常最尾會叫你比一啲意見或者比較嘅情況（如果佢冇叫你俾意見嘅話就記得千其唔使俾） ， 但要留意番，其實呢篇文章total可能只係會得4-5句，記住要用一個說明文嘅語氣去寫。
🖍️常犯錯誤：通常犯嘅錯誤就係句子太短，令到文章嘅語氣唔夠專業，其實基本上一個資料用一句去寫就已經夠，千祈唔好超過300字，超咗冇位寫就當你未完成。
👩🏻🏫頹Miss的話：通常同學仔一聽到話要寫300字嘅短文，就會覺得好難，但係其實呢條唔難做，因為係一條可以背範文嘅文章，因為寫黎寫去都係嗰啲語氣㗎咋，只要你睇幾篇model answer，背咗佢常用嘅句式，要10分鐘寫晒一篇，其實唔難，要攞30分都唔係想像中咁難㗎🧡
————-關於Q54 + 備試技巧————-
❇️題型：議論文
❇️曾出題目：閱讀的重要性，關於青春期，現代社會需要的人才
❇️作答類型：議論文（600-700字）
❇️可用時間：25-30/50分鐘
❇️評分準則：1.通順程度，2.錯別字/文法/格格 ，3.用詞級數（5-6級）
❇️答題技巧：只可用書寫體（ㄴ다/는다/다)，必須要有三個部份（緒論->本論-> 結論）先計作一篇完整嘅文章，題目下面一般會有2-3條問題俾你跟住答，其實就係引導你去寫上面嗰三部份。
❇️常犯錯誤：淨係寫咗個開頭，其實考官可以1分都唔俾，所以就算唔夠字數，都必須寫一篇完整嘅文章，先至唔會浪費咗你寫咗嘅嘢，所以一定要用5至10分鐘去整理好自己要寫乜嘢先，就算得3-400字都好，只要一篇完整嘅文章，一定高分過用3-400字但係淨係寫到頭兩part嫁！😎
👩🏻🏫頹miss的話：其實作文係同聆聽卷一齊考㗎，考完頭50條聆聽，就會順着落去做，所以作文卷就係51-54題，所以其實做聆聽有時間都可以偷偷地睇吓第54條問咩先😂，一路做聆聽嗰陣可能有字啱用都唔定㗎😍
———————：-）——————
🔅後話： 其實第54條議論文的而且確係取決大家攞唔攞到5/6級嘅因素，所以如果你第一次考，做唔到第54題都唔使太大壓力嘅，我哋有好多同學仔第一次考其實都冇做54條嘅議論文，但係都可以攞到四級㗎， 但係真係唔係講笑，閱讀卷最後嗰10條，其實唔係操練得多就會識做，真係有好多新奇嘅字，你估都估唔到，所以通常去到最尾10條大家都開始睇唔明+瞌眼瞓（因為晨咁早已經要跑去西灣河到考試😂），當然如果你本身就係朝早五點起身，但係唔使瞓晏覺，夜晚仲可以12:00瞓嘅人就應該都唔會瞌眼瞓（sorry廢話多咗😂），意思係如果最尾10條閱讀睇緊嘅時候已經覺得眼睛模糊左，寧願對多一次前邊嗰啲有冇做錯， 70分鐘要做50條閱讀其實係難嘅🫢，唔洗因為自己做唔晒，所以覺得係自己廢😌😌😌